PRAKTIKETAKO
ESKU HARTZEA
Azarotik
urtarrilera bitarte praktiketan egon gara eta denbora honetan gure etorkizuneko
lana izango den horretan jardun gara. Hasteko esan, praktiketan genuen zeregin
garrantzitsuenetariko bat ikastolako edota gelako gabeziak identifikatzea zela
eta hauek identifikatu ostean, honen inguruko esku hartze bat prestatu behar
genuela. Horregatik, jarraian, nire esku hartzea azaltzea gustatuko
litzaidake.
Nire
ikastetxea konfiantzaren pedagogian oinarritzen zen eta hori dela eta nahiko
berritzailea zela pentsatzen dut. Izan ere, ikastetxe barnean ez zegoen
paretarik eta bertan zeuden materialak oso baliagarriak ziren haurraren garapen
egokia izan zedin. Beraz, nire esku hartzea haurren beharretan edo nahietan
zentratzea garrantzitsua iruditu zitzaidan. Hau kontutan izanik, hiru urteko
nire gelako haurrei hamaiketakoan jaten zuten frutekin jolastea asko gustatzen
zitzaiela ikusi nuen eta horregatik, fruta eta janari desberdinekin
esperimentatzeko jarduera bat egitea pentsatu nuen.
Elikagaiak
jateko prest nituenean, hauek plateretan sailkatu eta platerekin zirkulu bat
sortu nuen mahai gainean. Ondoren, gelako lau haur aukeratu eta irakasleen
laguntzaz hauei begiak estali genizkien. Plateren zirkulua osatzen zuen
mahaiari hainbat buelta eman ostean, haur bakoitzari janari baten aurrean jarri
genien eta bakoitzak ukimenaren, usaimenaren eta dastamenaren bidez zer tokatu
zitzaion asmatu behar zuen. Ariketa hau laukoteka eginez joan ginen gelako haur
guztiak pasa arte eta denak ariketa egitetik pasa ondoren, geratzen zen
janariarekin bakoitzak nahi zuena hartu zezakeela esan genien.
Jarduera
honen bidez, nire helburu nagusia haurrek ondo pasatzea eta egunerokotasunean
aurkitzen diren elikagaiekin esperimentazioa lantzea zen. Horrez gain, zentzumenak
lantzeko aukera izan zuten. Hauen artean batez ere, ukimena dastamena eta
usaimena. Bestalde, zenbakiak (frutak kontatzeko), formak eta koloreak ere
landu genituen fruten inguruan hitz egiten ari ginela.
Ariketa
hau bukatu ondoren, esan dezaket haurrei asko gustatu zitzaiela esperimentazio
mota hau eta beraien parte hartzea eta interesa uste baino handiagoa izan zela.
Beraz, lehen aipatu dudan nire helburu nagusia bete egin zela pentsatzen dut.
No hay comentarios:
Publicar un comentario