Practicum IIIan honako esku-hartzea planteatu nuen. Asteko egun
batean, gure gelara sartzen direnetik aspertzen diren arteko tarte
batean (20 minutu inguru), argi-mahaia jartzea gelako komunetan
(iluntasuna errazago lortzeko) material desberdinak erabiliz. Materiala
honako hau izan da: batetik, elikadura-koloregaia erabiliz,
izotz-koskorrak erabiltzea (modu honetan haurrek ikusiko dute nola
solido egoeratik, likido egoerara igarotzen diren; hots zer gertatzen
den beroa ezartzen denean), bestetik, koloretako plastiko gardenak
erabiliz forma ezberdinak prestatu ditut; (oinarrizko koloreak jarriko
ditut eta honela, bata bestearen gainean kokatzean, kolore berriak
sortuko ditugu) hirugarrenik, koloreetako gelatina, eta azkenik
lehortutako fruta zati batzuk, semola eta dilista batzuk ere eskaini
dizkiet haurrei.
Proposamen hau bi asteetan zehar burutu dut,
abenduaren 21ean eta urtarrilaren 11n. Izan ere, honela lehenengo
kontaktuan ezezaguna zaien zerbaitekiko jarrera behatu dut, eta baita
objektu jakin batzuekiko erreakzioa. Eta ondoren, behin ezagututa duten
erreakzioa, argi-mahaiarekiko, orduan, beste objektu batzuekiko duten
erantzuna aztertu dut.
Hau guztia jakinda, garrantzitsua da egin
ditudan bi esperimentazioak azaltzea. Batetik, abenduaren 21ean egin
dudan saioan koloreetako izotz-koskorrak, forma eta kolore
desberdinetako plastikoa eta gelatina erabili ditut. Bestetik,
urtarrilaren 11n egin dudan saioan, lehortutako fruta zati batzuk,
semola eta dilista erabili ditut.
Behin nire proposamena
azalduta, esango nuke garrantzitsua dela argi-mahaiaren inguruko oinarri
pedagogikoa ezartzea. Beraz, aipagarria da, baliabide hau Reggio Emilia
ikuspegitik datorrela esatea.
Reggio Emilia ikuspegia,
hezkuntza proposamen bat da, Loris Magaluzzi kazetari eta hezitzailea,
honen ordezkari gorena izanik. Haurra, gaitasun eta potentzialtasun
ugariz beteriko gizaki bezala ikusten da, are gehiago, gai da
sortzeko/asmatzeko eta bere hezkuntza propioa eraikitzeko. Horretarako,
espazio eta ingurune egokia eskaini behar zaio, hots, haurra estimulatu
behar da. (Correa; Estrella, 2011)
Ikuspegi hau burutzen duten
eskola guztiek honako printzipio hauei jarraitzen diete, beti ere eskola
bakoitzaren testuingurua aintzat izanik: (Hoyuelos, 2006 in Correa;
Estrella, 2011)
1-Giza-harremanen garrantzia.
2-“Haurren
ehun hizkuntzak” teoria. Nagusiok hizkuntza berbala komunikatzeko bide
nagusitzat dugu, baina haurrek ordea, beste modu ugari erabiltzen
dituzte komunikatzeko.
3-Eskolan praktika egitearen garrantzia.
4-Aniztasuna eta konplexutasunaren balorazio positiboa.
5-Familien eta gizartearen parte hartzea.
6-Eskola parte hartzailea eta komunitatearekin harremanetan dagoena.
7-Hezitzaileen formakuntzaren garrantzia.
8-Tailerrak
edota “atelierista”. Artea oso alderdi garrantzitsua da Reggio Emilia
eskoletan, baina ez da soilik hezkuntza artistikoa kontuan hartzen.
Horregatik, tailerra deitzen dioten espazioa, artearekin kontaktuan
izateko, ikerkuntza bisuala egin ahal izateko eta estetika lantzeko
beharrezkoak diren baliabide guztiak daude eskura. “Atelierista”
kontzeptua, Loris Magaluzzik erabiltzen zuen terminoa, XVIII. mendean,
XIX. mendean eta XX. mende hasieran erabiltzen zen, tailerrari edota
artista baten espazioari izendatzeko.
9-Haurraren garapenaren inguruko dokumentazio egokia burutzea.
10-Sorkuntzaren elkar-aurkitzea egitea. Hots, sorkuntza hezkuntzaren alderdi ahalik eta guztienetan aplikatzen jakitea.
No hay comentarios:
Publicar un comentario